《信報》方如玉帥:報載中環擺花街地舖要劈租一半先有人承租,回報只有一厘多啲啲,未來舖市仍然未有起色。網購改變了零售業,沒有任何一間舖頭可以同網店匹敵,你要買乜都有,又快又平,零售舖係沒有競爭力。舖租長久以來是做生意嘅大敵,業主今日可以平租畀你,他朝你一賺錢,就會反臉加租,永遠都要你微利過活,不容你賺得比佢多。我之前寫過全香港最好的咖啡店,新舖就在中聯辦隔籬。面積龐大,格局超越南青山店Blue Bottle嘅水平。我見到老細,第一句就問貴唔貴租。

贏輸整定 無謂執着

年輕人咁有心開間超水準嘅咖啡店,如果敗在舖租就太可惜。趁佢未被貴租趕絕之前,快啲去試吓。我敢講,香港數一數二。

過年特別多風水嘅節目,上市其實就最講命水。昨日三隻創業板股份上市,佢哋都係在最旺市時招股,經歷過眼科同傢俬概念,好多人都想再下一城,抽隻港姐股。但係時不我與,上市日正值調整之後,抽中嘅想唔沽都唔得,想托嘅亦覺得敵眾我寡,結果係大部分人冇得贏錢,唔能夠過年前博最後一炒。你話係咪贏輸有時整定,唔使咁執着。

(節錄)
全文 [4]