《信報》方如玉帥:小米上市,全靠佢同時申請CDR,否則香港股民知少好多嘢。你唔知原來小米印咗接近超過100億港元B股股票畀董事長雷軍,這批股票上市後嘅市價更加不得了。你亦唔知假如小米未能按計劃上市,公司要贖回優先股,上市這一步是必須的。

我一早就話同股不同權是對這些所謂創新公司(小米完全抄人,只適合用所謂創新形容)的天大喜訊,直情是送錢落袋。雷軍可以袋咁多股票,令公司蝕錢,又可以用AB股嘅方式完全操控公司,將來盡沽100億B股套現,對自己話事權一啲影響都冇,是任何上市公司老闆夢寐以求嘅境界。

對風險投資嚟講,這種不問盈利,只問規模嘅上市項目,他們只要提供銀紙就事成,如何賺錢?上市後慢慢再諗,是多麼容易做到的事情。要一間公司賺錢很難,但要一間公司晒士夠大卻上市不成是要公司還錢,如今可以上市後在市場沽,賺得更厚。同股不同權仲唔係天堂?

兩地資訊披露詳情唔一樣,將來會同步,因為今次見到原來背後有咁大資訊隱藏,下次有另一間公司有同樣情況,自然懂得要求如何提供資料。但香港版本缺少了咁重要嘅資料,反映這邊求才若渴,咁大間咁知名嘅案例,非要不可,唔係重點嘅問題,唔太關心。

小米招股唔會太過熱烈,最重要係而家嘅氣氛無之前眾安在綫(06060 [4])同閱文(00772 [5])咁凌厲,而且從眾安、雷蛇(01337 [6])、平安好醫生(01833 [7])呢類創新股嘅股價表現來看,投資者知道入飛唔係包賺,好大機會上市日就係短期高位,之後漫漫長路捱番上招股價。...(節錄)

全文 [8]